Jul 23, 2026 5:51 pm

*శ్రీరామ హృదయం తో గ్రామస్థాయి నుంచి సనాతనధర్మ ప్రచారం* 

*జగదాచార్యులు చిన్న జీయర్ స్వామి సప్తతి వేడుకలకు ధార్మిక ఏర్పాట్లు*

*తెలుగు రాష్ట్రాల్లో అహోబిల జీయర్ స్వామి సుడిగాలి పర్యటనలు* 

(DNS  Report: *శాయిరామ్ CVS, राष्ट्रवादी पत्रकार,)*

విశాఖపట్నం, జులై  23, 2026 (డిఎన్ఎస్): సనాతన ధర్మం పై జరుగుతున్న వ్యతిరేక కార్యక్రమాల ను సమర్ధవంతంగా నిలువరించేందుకు పరమపూజ్య  త్రిదండి అహోబిల జీయర్ స్వామి షాక్ ట్రీట్మెంట్  సిద్ధం చేసారు. 

పరమహంస పరివ్రాజకులు, జగదాచార్యులు, అపరరామానుజులు త్రిదండి చిన్న జీయర్ స్వామి వారి సప్తతి మహోత్సవ వేడుకల్లో భాగంగా భారీ ఎత్తున ధార్మిక కార్యక్రమాలకు శ్రీకారం చుట్టారు. ఈ వేడుకల గురించి భక్తులకు తెలియచేసేందుకు పరమపూజ్య  త్రిదండి అహోబిల జీయర్ స్వామి వారు రెండు తెలుగు రాష్ట్రాల్లో సుడిగాలి పర్యటనలు చేస్తున్నారు. శ్రీకాకుళం జిల్లా నుంచి ఆదిలాబాద్ వరకూ అవిశ్రాంతంగా పర్యటిస్తూ. . భక్తులతో సమావేశాలు నిర్వహిస్తున్నారు. 
ఈ సందర్బంగా ఈ మహోన్నత భక్తి ఉద్యమ ప్రక్రియ ను అహోబిల జీయర్ స్వామి  DNS Media కు వివరించారు. 

విశిష్టాద్వైత సంప్రదాయ వైభవాన్ని దేశ విదేశాల్లో విస్తృత పరిచిన చిన్న జీయర్ స్వామి వారు ఈ ఏడాది దీపావళి నాటికి 70 వ తిరునక్షత్రం లోకి ( జన్మదినం) అడుగుపెడుతున్న సందర్బంగా ఈ వేడుకలను ధార్మిక పరంగా నిర్వహిస్తున్నట్టు తెలిపారు. 
అపరరామానుజులకు శిష్య, ప్రశిష్యులు, భక్తులు  అందించే గురు వైభవం ఈ శ్రీరామ హృదయం యాత్ర  అని తెలియచేస్తున్నారు. ఈ వేడుకలను పురస్కరించుకుని సనాతన సంప్రదాయాన్ని అన్ని గ్రామాల్లో మరింతగా విస్తరింపచేయడం కోసం శ్రీరామ హృదయం కార్యక్రమాన్ని చేపట్టినట్టు స్వామిజి తెలియచేసారు. 

శ్రీవైష్ణవ కుటుంబాల సభ్యులు, శ్రీవైష్ణవ దేవాలయాల అర్చక, అర్చకేతర సిబ్బంది, సమాశ్రయణం పొందిన భక్తులు, సనాతన ధర్మం పై గౌరవం ఉన్న ధార్మికులు అందరితోనూ సమావేశాలు నిర్వహిస్తున్నారు. ఈ సందర్భంగా ఇచ్చాపురం నుంచి ఆదిలాబాద్ వరకూ అవిశ్రాంతంగా  పర్యటిస్తూ వరుస సమావేశాలు నిర్వహిస్తున్నట్టు తెలిపారు.  శ్రీవైష్ణవ సంఘాలు,  చిన్న జీయర్ స్వామి వారి సేవ సంస్థల సభ్యులు, భక్తులతో సమావేశం జరిపి కార్యక్రమాన్ని వివరించడం జరుగుతోందన్నారు.  

ఈ సప్తతి వేడుకల్లో ప్రధానంగా నిర్వహించే కార్యక్రమాలు ఇవే: 

1 . ప్రతీ గ్రామం లోనూ సత్సంగం :

ఆషాడ పౌర్ణమి నుండి ఆశ్వయుజ పౌర్ణమి వరకు ప్రతీ గ్రామం లోనూ తొంభై ఇళ్లల్లో సత్సంగాలు నిర్వహించాలి. 
ప్రతి గ్రామం లోనూ ప్రతి రోజూ సాయంత్రం ఒక భక్తుని ఇంట్లో సత్సంగం నిర్వహించాలి. 
ఈ సత్సంగం లో  జీయర్ స్వామి వారు పాడిన  శ్రీ విష్ణు సహస్రనామ స్తోత్ర పారాయణ  ఆడియో పెడతారు. వారి స్వరం అనుకరిస్తూ మనం కూడా శ్రీ విష్ణు సహస్రనామ స్తోత్ర పారాయణ జరగాలి. 
పారాయణ అయిన తరువాత మన సంప్రదాయ వైశిష్ట్యాన్ని రోజుకో అంశం చొప్పున ఆయా గోష్ఠులలో  తెలియజేయాలి.  సనాతన ధర్మం ప్రచారం కోసం మంచిమాటలు చెప్పుకోవాలి. 
ఈ గోష్టిలో పాల్గొన్న వారి వివరాలు సేకరించాలి.  చిన్న జీయర్ స్వామి వారి సప్తతి ఉత్సవాలకు  జిల్లా, మండల, గ్రామ స్ధాయిలలో వీరు చేపట్టగలిగిన బాధ్యతలను అందించాలి. 

శ్రీరామ హృదయ యాత్ర : 

జగదాచార్యులు త్రిదండి చిన్న జీయర్ స్వామి వారి ఆరాధ్య దైవం శ్రీరామచంద్రుడు. ఈ సందర్భంగా శ్రీ రామహృదయ యాత్ర మర్యాదా పురుషోత్తముడు శ్రీరాముడి పేరిట ప్రతీ గ్రామం లోనూ తిరువీధి ఉత్సవాలు నిర్వహించాలి. 
చిన్న జీయర్ స్వామి వారి ఆశ్రమం  దివ్య సాకేతం  నుంచి  ప్రతీ మండలానికి ఒక శ్రీరామహృదయ కలశ పంపుతారు.  ఆ కలశం మన గ్రామానికి వచ్చినప్పుడు మన గ్రామ భక్తులందరిలో అవకాశం ఉన్న ప్రతి ఒక్కరు పాల్గొనాలి.  ఆ కలశాన్ని ఊరేగింపుగా ప్రతి ఇంటికి తీసుకువెళ్లి వారిచే ఆ పవిత్ర కలశాన్ని రామమంత్రంతో ఆ ఇంట్లోని వారితో తాకేలా చేసి, దానిలో వారికి తోచినంత బియ్యం వేయించడం చేయాలి. 
అలా వచ్చిన బియ్యాన్ని ఆ గ్రామంలోని ఒక దేవాలయానికి ఇవ్వాలి. ఇలా రోజుకి రెండు గ్రామాలలో ఆ కలశం తిరగాలి.

నిర్వహణ కమిటీ లు:

శ్రీ రామహృదయ యాత్ర, పారాయణ, ధర్మ ప్రచారం నిర్వహించడం కోసం, జిల్లా స్థాయి,  మండల స్థాయి , గ్రామ స్ధాయిల్లో ఒక కమిటీ ని ఏర్పాటు చేయడం జరుగుతుంది. ఈ కమిటీ ల్లో శ్రీవైష్ణవ కుటుంబాల సభ్యులు, చిన్న జీయర్ స్వామివారి సేవా సంస్థ వికాస తరంగిణి సభ్యులు ఉంటారు. వీరందరూ సమన్వయంతో ముందుకు తీసుకువెళ్లాలి.

ప్రధాన లక్ష్యం: -  

ప్రస్తుతం సనాతన ధర్మం పై జరుగుతున్న భౌతిక దాడులు,  సామాజిక మాధ్యమాల్లో వెలుగుచూస్తున్న విపరీత ట్రోలింగ్ లు, హిందూ వ్యతిరేక కార్యక్రమాల ను సమర్ధవంతంగా నిలువరించేందుకు జరుగుతోంది. 

ఈ మహా కార్యక్రమం సనాతన హిందూ ధార్మిక భక్తులను అందరిని  ఒక వేదికమీదకు తీసుకురావడం కోసం‌ నిర్వహిస్తున్నారు. 

సంప్రదించగలరు: -

చిన్న జీయర్ స్వామి వారి సప్తతి ఉత్సవాల్లో సేవా కార్యక్రమాల్లో పాల్గొనేందుకు ఆసక్తి ఉన్న వారు  అఖిల భారత శ్రీవైష్ణవ బ్రాహ్మణ సంక్షేమ సంఘం జాతీయ ప్రధాన కార్యదర్శి  శ్రీమాన్ యతిరాజుల బాల బాలాజీ  స్వామిని  ఫోన్ నెంబర్ 6303691109 లో  సంప్రదించవచ్చును. 

Jul 15, 2026 8:05 pm

*పూరి క్షేత్రంలో ప్రసాదమే అత్యంత ప్రాధాన్యం.* 

(DNS  Report: *శాయిరామ్ CVS, राष्ट्रवादी पत्रकार,)*

*విశాఖపట్నం, జులై  15 , 2026 (డిఎన్ఎస్):* పూరి జగన్నాధునికి ప్రతి రోజూ  ఛప్పన్ ( 56 ) భోగాల నిత్య నైవేద్యాలు ఆరగింపు చేస్తారు. వాటి వైభోగం వర్ణనా తీతం. పూరీ ఆలయంలోని నైవేద్యాలను సిద్ధం చేసే భోగమంటపం (వంటశాల) లో కూడా ప్రత్యేకతలు చాలానే ఉన్నాయి. 

జగన్నాథునికి ఛప్పన్ (56) ప్రసాదాలను, రోజుకు ఆరుసార్లు నివేదిస్తారు. జగన్నాథునికి నివేదన పూర్తయిన తర్వాత క్షేత్రపా లిక అయిన విమలాదేవికి నివేదించి, ఆ ప్రసాదాలను ఆలయ ఈశాన్యభాగాన ఉండే 'ఆనంద బజార్' లో భక్తులకు విక్రయిస్తారు. 
ప్రసాదాలను వండటానికి ఎప్పటికప్పుడు కొత్త మట్టి కుండలనే ఉపయోగిస్తారు. కట్టెల పొయ్యిలపై వండు తారు. భోగ మంటపానికి చేరువలోని 'గంగ', 'యమున' అనే రెండు బావుల్లోని నీటిని మాత్రమే వంటకాలకు ఉపయోగిస్తారు. ప్రతిరోజూ ఏకకాలంలో యాభై వేల మందికి సరిపోయేలా ఇక్కడ ప్రసాదాలను తయారు చేస్తారు. 
పర్వదినాల్లో  నైతే లక్షమందికి సరిపోయేలా తయారు చేస్తారు. ఏకకాలంలో లక్షమంది కూర్చుని  భోజనం చేయగలిగేంత విశాలమైన భోజనశాల ఇక్కడి ప్రత్యేకత. 
జగన్నాథునికి నివేదించే ప్రసాదాలను 'మహాప్రసాదం'గా పరిగణిస్తారు. మహాప్రసాదాన్ని ఆర గిస్తే మనోభీష్టాలు సిద్ధిస్తాయని భక్తుల విశ్వాసం. 

పూరీలో నివేదించే ఛప్పన్ భోగాలేమిటంటే... 1. అన్నం 2. కనికా ( బియ్యం , నెయ్యి, పంచదారతో తయారు చేస్తారు) 3. దొహి పొఖాహ్ (నీట్లో నానిన అన్నానికి పెరుగు కలిపి తయారు చేస్తారు) 4. ఒద్దా పొఖాళా ( నీట్లో నానిన అన్నానికి అల్లం కలుపుతారు)  5. తీపి కిచిడీ (బియ్యం , పెసరపప్పు, నెయ్యి, పంచదారతో చేస్తారు) 6. నేతి అన్నం 7. కిచిడీ 8. మిఠా పొఖాళి (నీట్లో నానిన అన్నానికి పంచదార కలుపుతారు).  9. ఒరియా పొఖాళి (బియ్యం, నెయ్యి, నిమ్మరసం, ఉప్పుతో చేస్తారు) 10. కాజా  11. గొజ్జా (గోధుమపిండి, నెయ్యి, పంచదారతో చేసే మిఠాయి)  12. లడ్డు  13. మగజా లడ్డు ( గోధుమపిండితో చేసే లడ్డు) 14. జీరా లడ్డు  (గోధుమ పిండికి జీలకర్ర చేర్చి తయారు చేసే లడ్డు) 15. వల్లభ (గోధుమపిండితో చేసే ఒక ప్రత్యేక మిఠాయి) 16. ఖురుమా (గోధుమపిండి, పంచదార, ఉప్పుతో చేస్తారు) 17. మొథాపులి (మినుములు, నెయ్యి, పంచదారతో చేస్తారు)  18. కకరా (గోధుమపిండి, కొబ్బరికోరు, పంచదారతో చేస్తారు)  19. మరిచి లడ్డు (గోధుమపిండి, నెయ్యితో చేస్తారు)  20. లుణి ఖురుమా (గోధుమపిండి, నెయ్యి, ఉప్పుతో చేస్తారు) 21. సువార్ పిఠా (గోధుమపిండి, నెయ్యితో చేస్తారు) 22. జొడెయి లొడా (గోధుమలు, నెయ్యి, పంచదారతో చేస్తారు) 23. యిలి (వరిపిండి, నెయ్యి, పంచదారతో చేస్తారు) 24. కొంటి (వరిపిండి, నెయ్యితో చేస్తారు) 25. మండా (గోధుమపిండి, నెయ్యితో చేస్తారు) 26. ఒమాళు (గోధుమపిండి, నెయ్యి, పంచదారతో చేస్తారు) 27. పూరీ  28. లుచి (వరిపిండి, నెయ్యితో చేస్తారు)  29. బొరా (మినప్పప్పుతో చేసే వడలు)  30. దొహిబొరా (పెరుగు గారెలు) 31. అరిసె  32. త్రిపురి (వరిపిండి, నెయ్యితో చేస్తారు)  33. రోసాపాయిక (గోధుమలతో చేస్తారు)  34. ఖిరి (పాయసం) 35. పాపుడి (పాలమీగడ, పంచదారతో చేస్తారు)  36. కోవా  37. రొసాబొళి (పాలు, పంచదార, గోధుమలతో చేస్తారు)  38. తడియా (తాజా పనీర్, నెయ్యి, పంచదారతో చేస్తారు) 39. ఛెనాభాయి (తాజా పనీర్, పంచదార, పాలతో చేస్తారు) 40. బపుడి ఖోజా (పాలమీగడ, నెయ్యి, పంచదారతో చేస్తారు) 41. ఖువా మండా (పాలు, గోధుమపిండి, నెయ్యితో చేస్తారు) 42. సొరాపులి (పాలను గంటల తరబడి మరిగించి చేసే మిఠాయి) 43. డల్లి (కందిపప్పుతో చేసే ముద్దపప్పు) 44. ముగోడల్లి (పెసరపప్పు వంటకం)  45. బిరిడల్లి (మినుములతో చేసే పప్పు) 46. ఉరద్ డల్లి (మినప్పప్పు వంటకం) 47. దాం (కందిపప్పు, కాయగూరలు కలిపి చేసే వంటకం) 48. మవుర్ (పప్పులు, కొర్రలతో చేసే వంటకం) 49. బేసొరొ (కలగూర వంటకం) 50. సగో (తోటకూర వంటకం) 51. పొటోలో రొసా (పొటల్స్/పర్వల్ కూర) 52. గోటి బైగొణా (గుత్తివంకాయ కూర) 53. ఖోటా (చింతపండు గుజ్జు, బెల్లంతో చేసే లేహ్యం) 54. రైతా (పెరుగులో కూరగాయల ముక్కలు వేసి చేస్తారు) 55. పిఠా (గోధుమపిండితో చేసే తీపిరొట్టె) 56. బైగని (వంకాయలతో చేసే వంటకం)...
 

Jul 15, 2026 5:47 pm

*జులై 17  నుంచి టర్నర్ చౌల్ట్రీ ల్లో దశావతారాలు*  
(DNS  Report: *శాయిరామ్ CVS, राष्ट्रवादी पत्रकार,)*
*విశాఖపట్నం, జులై  15 , 2026 (డిఎన్ఎస్):*న భూతొ న భవిష్యత్ అన్న రీతిలో ప్రపంచ వ్యాప్తంగా నిర్వహించే జగన్నాధ స్వామి రథ యాత్ర ఉత్సవాలు విశాఖ నగరంలో సైతం అంగరంగ వైభవంగా జరుగుతున్నాయి. గత కొన్నేళ్లుగా వైభవంగా జరుగుతున్న ఈ వేడుకల్లో  విశాఖపట్నం కొత్తరోడ్డు లో గల జగన్నాధ స్వామి ఆలయ రథ యాత్ర ఏంతో  ప్రాధాన్యత సంతరించుకుంది. ఈ వేడుకల్లో ప్రతి ఏటా వేలాది గా భక్దులు ఈ వేడుకల్లో పాల్గొని, స్వామి అనుగ్రహానికి పాత్రులవుతుంటారు. ఉత్సవాల్లో నిర్వహించే ప్రతి రోజు అవతార వైభవం, ప్రత్యేక కార్యక్రమాలు గురించి ఆలయ అర్చకులు DNS Media కు వివరించారు.  

పురాతన దేవాలయం: 

మహా విశాఖ నగరం వన్ టౌన్ మెయిన్ రోడ్ లో  అతి పురాతనమైన జగన్నాథ స్వామి ఆలయానికి 194 సంవత్సరాలు చరిత్ర ఉన్నది. 1832 సంవత్సరంలో గరుడ జగన్నాయకుల కుటుంబీకులు త్రవ్వకాలు జరుగుతున్నప్పుడు శ్రీ మహావిష్ణువు రూపమైన రంగనాథ స్వామి పంచలోహ విగ్రహం బయటపడిందని, అప్పట్నుంచి శ్రీ స్వామివారికి చిన్న తాటి ఆకుల పాక వేసి చలమయ్య దీక్షితులు అర్చకులుగా పెట్టి పూజలు నిర్వహించేవారు.  గరుడ వంశీయుల ఆరాధ్య దైవమైన శ్రీ జగన్నాథ స్వామి దేవాలయ నిర్మాణం పూనుకుని 1862 సంవత్సరంలో ఆలయ నిర్మాణం పూర్తి చేసి ప్రసిద్ధ పుణ్యక్షేత్రమైన పూరి నుంచి శ్రీ జగన్నాథ, సుభద్ర, బలబద్ర స్వాముల విగ్రహాలను తీసుకొచ్చి ప్రతిష్టించారు.  ఆ నాటి నుంచి ఈ దేవాలయాన్ని భక్తుల పూజలకు అందుబాటులో ఉంచారు. 1964 సంవత్సరం నుంచి జగన్నాధుని రథయాత్ర మహోత్సవాలు ప్రతి ఏడాది సాంప్రదాయబద్దంగా ఘనంగా నిర్వహిస్తున్నారు. 

వార్షిక రథోత్సవాల్లో భాగంగా ఈ నెల 14 మంగళవారం జగన్నాధ స్వామికి ఉదయం అధివాసములు సాయంత్రంహోమములు, పంచశయ్యాదివాసం పూజలు నిర్వహించారు. 15 బుధవారం ఉదయం నేత్రోత్సవము సాయంత్రం ప్రతిష్ఠాంత సుభద్రాదేవి శాంతి కళ్యాణము నిర్వహించడం జరిపించారు.  
16 గురువారం ఉదయం 9 గంటలకు శ్రీ జగన్నాథ స్వామి వారు రధము పై వేంచేపు చేయడం జరుగుతుందన్నారు. ఆ రోజు సాయంత్రం 5 గంటలకు  దేవాలయం నుండి టర్నరు సత్రం వరకు రథయాత్ర  అత్యంత వైభవంగా సాగుతుందన్నారు. ఈ యాత్ర కు ముందు వేద, గీతా పారాయణము, మేళతాళములతో సాంస్కృతిక ప్రదర్శనలు సాగుతాయి. 

ఈ వేడుకల్లో నగరంలోని ప్రజా ప్రతినిధులు పాల్గొని, ప్రారంభిస్తారు. 

*17 నుంచి జూలై 25 వరకు దశావతారాలు*

ఈ నెల 17 శుక్రవారం నుండి వచ్చేనెల జూలై 25 వరకు టర్నర్ చౌట్రి కళ్యాణ మండపంలో జగన్నాథుని దశావతారాలతో భక్తులకు దర్శనం ఇవ్వనున్నారు. 

17న మత్స్యావతారము, 18న కూర్మావతారము, 19న వరాహావతారము, 20న
నృసింహావతారము, శీలవిరుపు మహోత్సవము, లక్ష్మీదేవి తిరువీధి ఉత్సవము, 21న వామనావతారము, 22న పరశురామావతరము, 23న రామావతారము, 24 న బలరామ, శ్రీకృష్ణావతారము, 25న శేష పాన్పు అవతారాలు ఉంటాయి. 

తిరుగు రథయాత్ర వచ్చేనెల జూలై 26 జరుగుతుంది.  ఆరోజు ద్వాదశి ఆదివారం ఉదయం 9 గంటలకు శ్రీ జగన్నాథ స్వామి రథంపై కొలువు అవుతారన్నారు. సాయంత్రం 4 :20 కు టర్నరు సత్రం కళ్యాణ మండపం నుండి మేళ తాళాలు, వేదపారాయణం, బాణాసంచాలు, మంగళ వాయిద్యాలు, తిరుగు రథయాత్ర మహోత్సవము తిరిగి కొత్తరోడ్లో జగన్నాథ స్వామివారి ఆలయము కు చేరుతుంది. 
తదుపరి జగన్నాథ స్వామి, అమ్మవారి సంవాదము, స్వామివారు ఆలయంలో ప్రవేశం, సంప్రోక్షణ, పీఠారోహణం యధాస్థానమున జగన్నాథ స్వామి అధిష్టానం చేయడం జరుగుతుంది 

హరేకృష్ణ మూవ్మెంట్ :
హరే కృష్ణ మూవ్మెంట్, అక్షయపాత్ర నిర్వహణలో  ఈ నెల 17 వ తేది ఎంవిపి కొలని లోగల ఐఐఏఎం కళాశాల నుండి యాత్ర బయలు దేరుతుంది. ఈ యాత్ర  డబల్ రోడ్ నుంచి ఇసకతోట హైవే,  వెంకోజీపాలెం, క్యాన్సర్ హాస్పిటల్,  బీచ్ రోడ్  అప్పుఘర్ మీదుగా తిరిగి ఐఐఏఎం  కళాశాల వద్ద ముగించడం జరుగుతుంది. ఈ యాత్రలో జగన్నాథుడు, బలభద్రుడు మరియు దేవి సుభద్రల దివ్య ప్రయాణాన్ని గుర్తుచేస్తుంది. భారతీయ సంస్కృతిలో లోతుగా పాతుకుపోయిన ఈ కార్యక్రమం సార్వత్రిక సోదరభావం, ప్రేమ మరియు భక్తిని సూచిస్తుంది.
అందంగా అలంకరించబడిన రథాల  మీద శ్రీ జగన్నాధుడిని అలంకరించి ఉండగా, భక్తులు అత్యంత భక్తి శ్రద్ధలతో ఆ రథాన్ని లాగటం జరుగుతుంది.  ఉత్సాహభరితమైన సాంస్కృతిక ప్రదర్శనలు, భక్తి కీర్తనలు, నృత్యాలు, భగవంతుడి యొక్క నామస్మరణం చేస్తూ పాల్గొంటారు. సుమారు 10 వేల నుండి 15 వేలమంది భక్తులకు స్వామి వారి మహా ప్రసాదం అందించటం జరుగుతుంది.