*సంప్రదాయపరంగా హీరా పంచమి ఉత్సవం*

*విశాఖ లో వైభవంగా కొనసాగుతున్న జగన్నాధ ఉత్సవాలు..*
 
*(DNS రిపోర్ట్ : సాయిరాం CVS. బ్యూరో, విశాఖపట్నం)*

*విశాఖపట్నం, జూన్  27, 2020 (డిఎన్ఎస్):* విశాఖపట్నం లోని వన్ టౌన్ కొత్తరోడ్డు లో గల శ్రీ జగన్నాధ స్వామీ ఆలయ వార్షిక ఆషాఢ మసోత్సవాల్లో భాగంగా శనివారం జగన్నాధుడు

నృసింహ అవతారం లో భక్తులను అనుగ్రహిస్తున్నాడు.  నమో నరసింహా. . నమో భక్తపాల అంటూ భక్తులు స్వామిని ప్రార్ధిస్తూ కరోనా మహమ్మారి ని పారద్రోలి, సమస్త మానవాళికి ఉపశమనం కల్గించాలని కోరుకుంటున్నారు. 

హీరా పంచమి ని పురస్కరించుకుని శ్రీ మహాలక్ష్మి అమ్మవారి శీల విరుపు ఉత్సవం సంప్రదాయపరంగా నేత్రోత్సవంగా

నిర్వహించారు. 

కోవిడ్ 19  రక్షణ నిబంధనల ప్రకారం కారణంగా అత్యంత కట్టుదిట్టమైన భద్రతా ఏర్పాట్లతో భక్తులను స్వామి దర్శనానికి అనుమతిస్తున్నట్టు ఆలయ ఈఓ కె. శిరీష తెలియచేసారు. 

మంగళవారం ( జూన్ 25 న) దేశ వ్యాప్తంగా ఆరంభమైన ఉత్సవాలు గతం లో నిర్వహించిన రీతిలో కాక, ఏకాంతంలో నిర్వహించాలని రాష్ట్ర

ప్రభుత్వం, దేవాదాయ శాఖలు ఇచ్చిన ఆదేశాల మేరకు భక్తులను కేవలం దర్శనానికి మాత్రమే అనుమతించడం జరిగిందన్నారు. రక్షణ చర్యలు అన్ని నిబంధనల ప్రకారమే చేపట్టామన్నారు. 

దశావతార వైభవ ప్రదర్శన: . .. 

ప్రతి ఏటా వార్షిక ఉత్సవాల్లో అత్యంత ప్రాధాన్యత కల్గిన ఘట్టం దశావతార అలంకార దర్శనం.  జగన్నాధునికి రోజుకొక

అవతారం లో పది రోజుల పాటు దశావతారాలను అలంకరించి, భక్తులకు అమితానందాన్ని కల్గించడం ఆలయ వైశిష్ఠ్యంగా వస్తోంది. ఏటా వేలాది గా భక్తులు స్వామిని దర్శించుకునే భాగ్యానికి నోచుకున్నారు. అయితే ప్రస్తుత విపత్కర పరిస్థితుల్లో భక్తుల రాక ను కొంత కట్టడి చేయడం జరిగింది. అయినప్పటికీ భక్తజనం స్వామి సేవలో

తరిస్తున్నారు. 

ఆలయ అర్చకులు జగన్నాధాచార్యులు, ఆనందాచార్యుల పర్యవేక్షణలో ప్రత్యేక ఆరాధనలు, నిత్యా అర్చనలు నిర్వహించిన అనంతరం ఉదయం 6 :30 గంటల నుంచి మత్సావతర అలంకారంలోని  జగన్నాధ స్వామి దర్శనం భక్తులకు కల్పిస్తున్నారు. 
ఈ వేడుకలు జులై 3 వరకూ ఆలయంలోనే ఇదే ప్రాంగణం లో నిర్వహిస్తామన్నారు. భక్తులకు ఉదయం 6

:30 గంటల నుంచి సాయంత్రం వరకూ దర్శనం లభిస్తుందన్నారు. 

ఈ వేడుకల్లో భాగంగా ఆదివారం స్వామీ వామనావతారం లో బాల బ్రహ్మచారి గా దర్శనం అనుగ్రహించనున్నారు.