*ఏప్రిల్‌ 1 నుంచి దేశవ్యాప్తంగా ఒకే పర్మిట్‌ టాక్స్ లు అమలులోకి?* 

*(DNS రిపోర్ట్: పి. రాజా, బ్యూరో చీఫ్, అమరావతి)*  

*అమరావతి, మార్చి 31, 2021  (డిఎన్ఎస్):* పర్యాటక పరంగా వాహనాలకు ఇచ్చే పర్మిట్ల పై  సత్వర పరిష్కారం తో ఇక పై ఏ రాష్ట్రానికైనా వెళ్లే వెసులుబాటు కలుగనుంది. త్వరలో అమలుకు రవాణాశాఖ

సన్నాహాలు చేస్తున్నట్టు తెలుస్తోంది. ఈ నిబంధనల ప్రకారం క్యాబ్‌లు, మ్యాక్సీ క్యాబ్‌లు నుంచి బస్సులు, వాన్ ల వరకూ అన్ని తరహాల వాహనాలు దేశవ్యాప్తంగా రాకపోకలు సాగించవచ్చు. 
ఇప్పడి వరకు ఒక రాష్ట్ర పరిధి దాటితే ప్రక్కరాష్ట్రం చెక్ పోస్ట్ / టోల్ గెట్ దగ్గర మరో పర్మిట్ పన్ను కు డబ్బులు తప్పని సరిగా చెల్లించాలి.

దీంతో పర్యాటకులు నానా అవస్థలు పడుతున్నారు. పైగా గడువు తేదీ లోగా తిరిగి వెనక్కి రాకుంటే. . .మరో జరిమానా అదనం.  కొత్త విధానం ఇలాంటి ఇబ్బందులను తొలగించనుంది. తద్వారా పర్యాటకుల రాక తో రాష్ట్రాలోని పర్యాటక కేంద్రాలను మరింత అభివృద్ధి పరచడం ద్వారా వాటికి అదనపు ఆదాయం రానుంది. పర్యాటకుల రాకతో హోటల్ రంగం కూడా

మెరుగుపడనుంది.