*విశాఖ సాగర తీర ఆశ్రమం ల శ్రీ రామ వైభవ ప్రసరణ.* 

*21 వరకు సుందర కాండ పారాయణ, రామాయణ ప్రవచనం*  
 
*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 9, 2021 (డిఎన్ఎస్):* విశాఖ సాగర తీరం లోని మంగమారిపేట ( భీమిలి బీచ్ రోడ్ ) గల వారిజ ఆశ్రమం లో ఈ నెల 13 నుంచి 21 వరకూ ఉగాది, రామ నవమి వేడుకలు

నిర్వహించనున్నట్టు ఆశ్రమ వేదపాఠశాల అధ్యాపకులు ముడుంబై శ్రీకాంత్ స్వామి తెలియచేసారు. ప్రముఖ ఆధ్యాత్మికవేత్త, అపరరామానుజులు త్రిదండి చిన్న జీయర్ స్వామి పర్యవేక్షణ లో నిర్వహించబడుతున్న ఈ ఆశ్రమంలోని శ్రీ లక్ష్మి హయగ్రీవమందిరం లో ఈ నెల 13 న ప్లవ నామ సంవత్సర ఉగాది వేడుకలు ఆరంభమవుతున్నట్టు తెలిపారు. ఆ రోజు నుంచే ఈ నెల

21 వరకూ ఉగాది ప్రయుక్త  శ్రీరామ నవమి ఉత్సవాలు కూడా నిర్వహించడం జరుగుతుందన్నారు. 
శ్రీ రామనవమి కళ్యాణ కార్యక్రమంలో భాగంగా ప్రతీరోజూ ఉదయం 8 గంటల నుంచి 9:30 గం వరకు సుందరకాండ పారాయణం జరుగుతుందని, సాయంత్రం శ్రీ రామాయణ ప్రవచనం ద్వారా సాగర తీర ఆశ్రమం నుంచి శ్రీ రామ వైభవ ప్రసరణ  వైభవంగా జరుగుతుందని వివరించారు.  
ఈ

వేడుకల్లో భక్తులు పెద్ద సంఖ్యలో పాల్గొనవలసిందిగా ఆహ్వానం పలుకుతున్నారు. ఇతర వివరాలకు వారిజ ఆశ్రమం ఫోన్ నెంబర్లు ( 9247217901 7989762149 ) ల్లో తమను సంప్రదించవచ్చన్నారు.