*(DNS రిపోర్ట్: పి. రాజా, బ్యూరో చీఫ్, అమరావతి)*  

*అమరావతి, ఏప్రిల్ 20, 2021  (డిఎన్ఎస్):* సంతోషకరమైన ‘శ్రీ రామ నవమి పండుగ శుభ సందర్భంగా ఆంధ్రప్రదేశ్ ప్రజలకు నా హృదయపూర్వక  శుభాకాంక్షలు తెలియ జేస్తున్నట్టు గవర్నర్ గౌరవ బిశ్వ భూషణ్ హరిచందన్ తెలిపారు.  శ్రీరాముడు ధర్మం, ప్రేమ, సత్య జీవితాన్ని గడపడానికి మనకు

మార్గనిర్దేశం చేయాలని ప్రార్థిస్తున్నాన్నారు.  శ్రీరామ నవమి పండుగను కుటుంబ సభ్యులతో ఇంట్లోనే ఉండి జరుపుకోవాలని ఆంధ్రప్రదేశ్ ప్రజలకు విజ్ఞప్తి చేస్తున్నాను. కోవిడ్ కేసులు రోజురోజుకు పెరుగుతున్నందున, అప్రమత్తంగా ఉండాలి. సామాజిక దూరాన్ని పాటించటం, ముఖ ముసుగు ధరించడం, తరచుగా చేతులు శుభ్రం చేసుకోవటం వంటి అన్ని

జాగ్రత్తలు తీసుకోవడం చాలా ముఖ్యం. అర్హులైన వారందరూ సమీప కోవిడ్ టీకా కేంద్రానికి వెళ్లి వ్యాక్సిన్ తీసుకోవాలని నేను విజ్ఞప్తి చేస్తున్నాను. కోవిడ్ వ్యాక్సిన్ సురక్షితం, వైరస్ యొక్క గొలుసును విచ్ఛిన్నం చేయడానికి వ్యాక్సిన్ తీసుకోవటం ఏకైక మార్గం అన్నారు.

శ్రీరామ నవమి పర్వదినం సందర్భంగా ఆంద్రప్రదేశ్‌

ముఖ్యమంత్రి వైఎస్‌ జగన్‌మోహన్‌ రెడ్డి  ప్రజలందరికి నవమి శుభాకాంక్షలు తెలియజేశారు. ప్రజలు కోవిడ్‌ నిబంధనలు పాటిస్తూ సీతారాముల కళ్యాణాన్ని ప్రజలు వేడుకగా జరుపుకోవాలని ఆకాంక్షించారు. సీతారాముల, దీవెనలతో రాష్ట్ర ప్రజలందరికీ సకల శుభాలు కలగాలని సీఎం వైఎస్‌ జగన్‌ మోహన్‌ రెడ్డి అభిలషించారు. కరోనా

విపత్తును ఎదుర్కొనే శక్తి ఇవ్వాలని ఆ దేవుడిని ప్రార్థిస్తున్నానని వైఎస్‌ జగన్‌ అన్నారు.