*శ్రీకాకుళం రమ్య తిరుమల వెంకన్న సన్నిధిలో కార్తీకమాసోత్సవాలు*

*(DNS Report : Acharyulu SV, Bureau Chief, Srikakulam)*

*శ్రీకాకుళం, నవంబర్ 13, 2021 (డిఎన్ఎస్):* గత ఏడాదిన్నర కాలంగా మానవాళిని ఇబ్బంది పెడుతున్న కొరోనా మహమ్మారి నుంచి సమాజానికి విముక్తి లభించాలి అనే సంకల్పంతో శ్రీకాకుళం లోని రమ్య తిరుమల ఆలయంలో 68 రోజుల పాటు సుందరకాండ

పారాయణ చేస్తున్నట్టు అర్చకులు కరి వేణుమాధవ్ రంగనాధ్ తెలియచేసారు. ప్రతి రోజు 25 సర్గలు  పారాయణ చేయడం జరుగుతుందని, మొత్తం 68 రోజుల్లో పూర్తిగా 25 ఆవృతులు చేయడం జరుగుతుందన్నారు. గత 15 రోజులు గా నిర్విఘ్నంగా జరుగుతున్న పారాయణ తో పాటు, కార్తీక మాసోత్సవాలు శనివారం మరింత వైభవోపేతంగా సాగిందన్నారు. 

గత ఏడాదిన్నర

కాలంగా ఆలయంలో సుందరకాండ పారాయణ, శ్రీరామాయణ పునర్వసు పారాయణ, ప్రత్యేక ఆరాధనలు చేయడం జరిగిందన్నారు. అక్టోబర్  30 నుంచి జనవరి 5, 2022 వరకూ నిర్విరామంగా సుందరకాండ 68 రోజుల పాటు జరుగుతుందని తెలిపారు. లోక కల్యాణార్థం జరుగుతున్న ఈ పారాయణ యజ్ఞం లో భక్తులు పెద్ద సంఖ్యలో పాల్గొని, తమ కోర్కెలు నెరవేర్చుకోవచ్చన్నారు.

 

శ్రీకాకుళం ప్రధాన రహదారి (అరసవల్లి వెళ్లే రోడ్డు) లో ఉన్న రమ్య తిరుమల ఆలయంలో  సెప్టెంబర్ 10 న నుంచి ఆలయ ముఖ ద్వారం నిర్మాణం వైభవంగా జరుగుతోందని, త్వరలోనే ముఖద్వారం నిర్మాణం పూర్తి అవుతుందన్నారు. భక్తులు భూరి విరాళాలు అందించి ఆలయ అభివృద్ధి లో పాల్గొనవలసిందిగా కోరుతున్నారు. వివరాలకు ఆలయ అర్చకులు

రంగనాధ్ ను  నెంబర్ 94400 61940 లో సంప్రదించవచ్చన్నారు.  విరాళాలను ఫోన్ పే (నెంబర్: 94400 61940 ) ద్వారా గానీ,  యూనియన్ బ్యాంకు అకౌంట్ నెంబర్ :211112010000017 , IFSC కోడ్: UBIN 0821110  కు గానీ పంపవచ్చు అని తెలియచేసారు.