*(DNS Report : Sairam CVS, Bureau Chief, Vizag)*

*విశాఖపట్నం, డిసెంబర్ 13, 2021 (డిఎన్ఎస్):* శ్రీవైష్ణవ సంప్రదాయంలో అత్యంత పవిత్రమైనది ధనుర్మాసము. ఈ నెల 16 నుంచి ప్రారంభమవుతున్న ఈ నెలరోజుల ఉత్సవాన్ని వైభవంగా నిర్వహించేందుకు శ్రీ వరాహ లక్ష్మీ నృసింహ స్వామి వారి దేవస్థానం , సింహాచలం లో ఏర్పాట్లు చేస్తున్నారు. ధనుర్మాసము ఆరంభ సూచికగా ఈ నెల

16.12.2021  మధ్యాహ్నం గం॥12.18ని॥లకు అంకురారోపణ చేయడం జరుగుతుంది. ఈ కాలంలోనే వైకుంఠ ఏకాదశి పర్వదినోత్సవం నిర్వహించడం జరుగుతుంది. వైష్ణవ సంప్రదాయంలో నమ్మాళ్వార్లకు అత్యంత ప్రాధాన్యత ఉంది. ఈ సందర్భంగా వైష్ణవ దేవాలయాల్లో అధ్యయనోత్సవాలు వైభవంగా నిర్వహిస్తుంటారు. జనవరి 3 నుంచి 12 వరకూ పగల్ పత్తు ఉత్సవములు, తదుపరి తేది.13.01.2022

నుండి తేది. 23.01.2022 వరకు రాపత్తు ఉత్సవములు జరుపనున్నారు. పగల్ పత్తు సందర్భముగా ప్రతి రోజు ఉదయం దేవాలయంలోను, రాపత్తు లో సాయంత్రం వేళల్లో  శ్రీస్వామివారి తిరువీధి ఉత్సవములు జరుగుతాయి.